Campaña Auditoría Social 2026: Ensinar o corazón é máis doado ca nunca!

Como cada primavera, abre a campaña de Auditoría / Balance Social da Economía Social e Solidaria, que este ano chega cunha importante novidade: estreamos unha nova plataforma tecnolóxica para mellorar a experiencia de uso.

Entre as principais novidades atoparedes una navegación máis intuitiva, maior estabilidade e velocidade de funcionamento, así como unha infraestrutura técnica reforzada para responder mellor durante os momentos de maior participación en campaña. Ademais, a nova plataforma supón tamén un paso adiante en coherencia tecnolóxica para a ESS: foi desenvolvida integramente en software libre e o seu código está dispoñible en aberto.

Lembrámosvos que a Auditoría Social é unha ferramenta clave para visibilizar e avaliar aspectos como a democracia interna, a equidade, a sostibilidade ambiental, o compromiso social, a calidade laboral ou o uso de finanzas éticas. Máis alá da recollida de datos, é tamén un exercicio colectivo de transparencia e transformación que fortalece as nosas prácticas.

Animámosvos a participar un ano máis e a seguir mostrando, colectivamente, o impacto positivo que xera a Economía Social e Solidaria nos nosos territorios e comunidades.

ANTES DE COMEZAR:

É moi recomendable botarlle unha ollada a:

→ TITORIAL DE NAVEGACIÓN

→ GUÍA DE PREGUNTAS

→ GUÍA DE PREGUNTAS PARA PERSOAS AUTÓNOMAS

→ VÍDEO-TITORIAL DA PRESENTACIÓN PRÁCTICA DA NOVA PLATAFORMA (Novidades, dúbidas frecuentes e paso a paso do proceso)

COMO COMEZAR:

→ Entra na Plataforma Ensina o Corazón aquí.

Se tes participado outros anos, posto que a ferramenta é nova, deberás restablecer o contrasinal rexistrando como usuaria o correo-e da entidade e solicitando “recuperar contrasinal”.
Se é a primeira vez pulsa o botón REXÍSTRATE, completa a ficha e agarda a que aceptemos a solicitude. Chegarache un correo-e de confirmación.

Unha vez que remates de responder e se validen os datos, poderás dispoñer de dúas ferramentas:

→ Informe en PDF cos resultados.
→ Inclusión na web do Mercado Social.
→ Infografía visual e maquetada de resultados co logotipo da entidade, lista para comunicar.
→ Selo de participación.

Para calquera consulta podedes contactar con REAS Galiza en galiciaauditoriasocial@reas.red ou escribir á coordinación xeral de REAS RdR a ensenaelcorazon@reas.red.

Tamén podedes atopar toda a información desta ferramenta de medición do impacto de referencia para empresas transformadoras na web.

Lembra que a campaña está aberta ata o 10 de setembro, non quedes fóra, que ensinar o corazón é máis doado ca nunca!