Cada ano, a Economía Social e Solidaria (ESS) reafirma o seu compromiso coa transparencia, a coherencia interna e a rendición de contas, poñendo en valor un modelo económico que sitúa as persoas e ao planeta no centro, e que contribúe a un desenvolvemento máis sostible, xusto e solidario.

24 entidades vinculadas á ESS en Galicia participaron este ano no proceso de Auditoría Social, realizando un exercicio de reflexión e autoavaliación para medir o seu compromiso cos seis principios básicos da Economía Social e Solidaria: equidade, traballo digno, cooperación, sustentabilidade ecolóxica, compromiso coa contorna e a repartición xusta da riqueza.

Como novidade e recoñecemento ao seu esforzo, estas entidades recibiron o Selo da Auditoría Social, un distintivo que permite visibilizar o seu compromiso e reforzar a confianza social:

7h, Espazocoop, Cidadanía, Nosa Enerxía, Habitat Social, Coma, Boavida, Xeracción, Outonía,. Arraianas, Alén S. Coop., Alalá, Aopaso, Enraizando, Dálle que dálle, Sacauntos, Illa Bufarda Labrecos, Urdime, Solidariedade int., Feitoría Verde, 13 grados e Cuarzo Verde.

Os resultados agregados desta campaña amosan unha evolución positiva da participación e poñen de manifesto a forza do sector, aínda que con moito camiño por percorrer.

Desde REAS RdR difundimos os resultados da auditoría social a nivel estatal e este ano, como novidade, elaboramos un informe específico para o contexto galego que resumimos a seguir.